БИШКЕК, 4-авг. — Sputnik. Жекшемби күнү өлкө аймагында күн ачык болот. Шамалдын багыты өзгөрүлүп, ылдамдыгы секундасына 1-6 метрге жетет. Бул тууралуу Кыргызгидромет билдирди.
Чүй өрөөнүндө абанын температурасы 31…36 градуска чейин жогоруласа, Таласта 29…34 градус ысык болот. Ош, Жалал-Абад жана Баткен облустарында 32…37 градуска чейин жетет. Ысык-Көл менен Нарында күн 24…29 градуска чейин жылый турганы айтылды.
Бишкекте күн ачык болот. Күндүн табы 32…34 градуска чейин көтөрүлөт. Ал эми Ош шаарында 33…35 градус ысык болору маалымдалды.
Буга чейин синоптиктер август айына болгон аба ырайынын божомолу тууралуу айткан.
