БИШКЕК, 4-авг. — Sputnik. Ысык-Көл облусунун жээгине мончо катары куруп пайдаланылып жаткан бууканалар алынды. Бул туурасында аталган райондун акими Данир Иманалиев билдирди.
Мындай жайларды көл жээгинен алуу боюнча тиешелүү ченемдик-укуктук актылар чыккан.
"Экологиялык-техникалык коопсуздук боюнча мамлекеттик инспекциянын райондук бөлүмү тиешелүү иштерди жасады. Бүгүн, 4-августта, журналисттер менен биргеликте бардык пасионаттарды кыдырып чыктык, мындай жайларды көл жээгинен алынды. Ысык-Көл районунун акими катары аталган аймакта бүгүнкү күндөн тарта бир дагы буукана иштебей тургандыгын расмий билдирем", — деди Иманалиев.
Аким буга чейин учурда Ысык-Көл районунда жалпысынан 168 пансионат туристтерди, эс алуучуларды кабыл алып, иштеп жаткандыгын айткан.
