БИШКЕК, 26-июл. — Sputnik. АКШ президенти Дональд Трамп россиялык кесиптеши Владимир Путин менен келерки жолу 2019-жылдын башында жолугууну каалап жатат. Бул тууралуу Трамптын кеңешчиси Жон Болтонго шилтеме берип РИА Новости жазды.
"Жолугушууну келерки жылга белгилеп жатканыбыздын себеби "Россиянын АКШдагы шайлоолорго кийлигишүүсү" боюнча иликтөөлөрдүн жыйынтыктарынын чыгышын күтүп жатабыз", — деди Болтон.
Эске салсак, 16-июлда Россия менен АКШнын президенттери Хельсинки шаарында жолугуп, ал жалпысынан төрт саатка созулган.
