БИШКЕК, 15-июл. — Sputnik. Бүгүн Россияда өтүп жаткан футбол боюнча дүйнө чемпионаты жыйынтыкталып, финалга чыккан Франция менен Хорватиянын кимиси мыкты экени аныкталат.
Акыркы оюнга Франция жарым финалда Бельгияны утуп чыкса, Хорватия Англиядан озуп кеткен.
Финалдык беттеш Москвадагы "Лужники" стадионунда Бишкек убактысы менен 21.00дө башталат.
Эскерте кетсек, дүйнө чемпионаты 14-июнда башталган. Ага 32 команда катышып, оюндар Россиянын 11 шаарында өттү. Биринчиликтин уюштурулушуна, өтүшүнө ФИФА президенти Жанни Инфантино да жогорку баасын берип, РФ өкмөтүнө, президентке ыраазычылык билдирген.
Кийинки чемпионат 2022-жылы Катарда өтөт.
