БИШКЕК, 12-июл. — Sputnik. Ebay интернет-аукционунда беш жана 10 сом номиналындагы эки купюра сатыкка коюлду.
Анын баасы 1200 доллар (82 миң сом). Эки купюрада тең "ҮЛГҮ" деген жазуу бар жана сериялык номери жалаң нөл санынан турат.
КР Улуттук банктан Sputnik Кыргызстан агенттигине маалымдашкандай үлгү катары чыгарылган купюраларга бир нерсе сатып алууга болбойт.
Кыргызстандын валюталары аукцион аркылуу буга чейин да сатылып келген. Тактап айтканда 1 тыйын үлгүсүндөгү кагаз акчасы 3 миң рублга бааланган.
