Байымбетов: улуттук баалуулуктарды жашообузда да пайдаланалы
Улуттук баалуулуктарды сактап эле отура бербей өз жашообузда пайдаланалы. Бул тууралуу Айбек Байымбетов Sputnik Кыргызстан радиосунда улуттук баалуулуктарды кайра жандандыруу тууралуу болгон эфирде билдирди.
Эске салсак, Айбек Байымбетов баштаган топ "Манас" эпосу тууралуу мобилдик тиркеме иштеп чыгууда.
"Бүгүнкү күндө Манастын маңызын кайра майдалап түшүндүрүү керек болуп жатат. Бул биздин эң чоң милдетибиз. Аталарыбыз бизге деп калтырып кеткен чылк алтындай болгон улуттук баалуулуктарыбыз бар. Алардын чаңын сүртүп гана сактап отурбай, сүңгүп кирип, түшүнүшүбүз керек. Өз жашообузда пайдаланышыбыз зарыл", — деди Байымбетов.
Ал аталган максатта бир топ аракеттер көрүлүп жатканын кошумчалады.
