Жылмайган Рыскулов, жарк эткен Күмүшалиева. "Көчө" тасмасынан таберик сүрөт

Жазылуу
Yandex newsTelegram
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.

Драматический фильм Улан Толомуша Океева - Sputnik Кыргызстан
Чокморовго "көңүлдөш" болгон Сейдакматова. "Улан" тасмасынан таберик сүрөт
Кыргыз киносунун алптары Алиман Жангорозова, Муратбек Рыскулов, Сабира Күмүшалиева менен Исмаилбек Абдубачаевдин сүрөтү 1972-жылы Ош облусунда тартылган.

Ал жылы драматург Мурза Гапаров сценарийин жазган "Көчө" тасмасын Геннадий Базаров тартып, ага атактуу актерлор катышкан.

"Беш-Кемпир" айылынын турмушун чагылдырган фильмде Рыскулов менен Жангорозова кемпир-чалдын, Абдубачаев, Күмүшалиева экөө жалгыз кызды тарбиялаган ата-эненин образын жараткан.

Фильмди тартуу учурун режиссер Геннадий Базаров мындайча эскерет:

"Кошуналардын сүйлөшүп отурган эпизодун Ноокат районунда тартканбыз. Анда ата мекендик кинонун каймактары чакыруубузду кубануу менен кабыл алган. Тамашага салып, какшыктап, импровизация кылып сонун ойноп, тасманын көркүн ачышкан. Актерлор мейманканада бош отуруп калганда жергиликтүү тургундар тамак-ашын көтөрүп келип, чыгармачыл инсандар менен чогуу карта ойноп отурганы эсимде. Кинону 3-4 айда эле бүтүргөнбүз. Муратбек аба, Алиман жана Сабира эжелер менен иштешкениме азыркыга чейин ыраазымын, асыл адамдар болчу. Кезинде ошол мектептен чыйралгам", — деди Базаров.

Ошондой эле аталган фильмде Бакен Кыдыкеева, Советбек Жумадылов, Насыр Кытаев, Нуртай Борбиев, Чоро Думанаев роль жараткан.

Жаңылыктар түрмөгү
0