19:15 16 Тогуздун айы 2018
Түз эфир
  • USD69.3432
  • EUR80.3514
  • RUB1.0582
Маданият

Бакен Кыдыкеевага "кайткан" Советбек Жумадылов. "Көчө" тасмасындагы таберик сүрөт

Кыскача шилтеме алуу
Мирбек Сакенов
"Таберик сүрөт" — сейрек кездешкен ирмемдер (40)
68110
Бакен Кыдыкеевага кайткан Советбек Жумадылов. Көчө тасмасындагы таберик сүрөт
Александр Федоров

Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.

Кыргыз ССРинин эл артисти Советбек Жумадылов менен СССРдин эл артисти Бакен Кыдыкееванын сүрөтү 1972-жылы Ош облусунда тартылган.

Ал жылы драматург Мырза Гапаров сценарийин жазган "Көчө" тасмасы тартылып, ага кыргыздын мен-мен деген актерлору катышкан. Кыдыкеева менен Жумадылов араздаша кеткен жубайлардын ролун жаратышкан. Тасмада Жумадыловдун каарманы Ормотой баккан короз көпчүлүктүн кызыгуусун жараткан.

Ошол кезеңди фильмдин режиссеру Геннадий Базаров мындайча эскерет:

"Корозду согуштурган эпизод Ош шаарындагы базарда болгон. Жергиликтүү тургундар ага чейин эле короз уруштарын өткөрүп жүргөн экен. Мындайча айтканда, бул жагынан алар адис болуп бизди үйрөткөн. Ал эми актерлер чыгармачылыкка салып, сценарийден чыгып кеткен учурлар болгон. Бирок мыкты ойноп, көркүн ачып берген. Ал залкар адамдар менен иштешкениме азыркыга чейин ыраазымын, асыл адамдар эле. Анткени ошол мектептен чыйралгам. Башкы каарманды ойногон Чоро Дубанаев "Көчө" тасмасынан кийин таанылып, атагы алыска кетти", — деди Базаров.

Бир айылдын жашоочуларынын турмушун чагылдарган кинодо Муратбек Рыскулов, Сабира Күмүшалиева, Насыр Кытаев, Нуртай Борбиев, Алиман Жанкорозовалар да роль жараткан. Фильм ошол эле жылы көрүүчүлөргө сунушталып, жылуу кабыл алынган.

Тема:
"Таберик сүрөт" — сейрек кездешкен ирмемдер (40)

Тема боюнча

Сүйүү ыры менен адыр ашкан махабат. Данияр менен Жамийланын таберик сүрөтү
Улуу манасчы Жусуп Мамай менен режиссер Төлөмүш Океев. Алптардын таберик сүрөтү
Бир чара балык, боз үйдө жашаган асылдар. "Бакайдын жайытынан" таберик сүрөт
Белгилер:
Сүрөт, "Көчө" тасмасы, Советбек Жумадылов, Кыргызстан
Колдонуу эрежелериПикирлер

Дагы инфографика

ЭҢ МААНИЛҮҮ