БИШКЕК, 5-июн. — Sputnik. Биринчи Май райондук сотунун чечими менен мурдагы премьер-министр Сапар Исаков тергөө амалдары аяктаганга чейин камакка алынды. Бул тууралуу УКМКдан маалымдашты.
Мурунку өкмөт башчы буга чейин 29-майда да УКМКнын суроолоруна жооп берген. Ал эми биринчи жолу 26-апрелде УКМКга Бишкек ТЭЦин модернизациялоо боюнча козголгон кылмыш иши боюнча күбө катары келген.
Исаков бүгүн да УКМКга чакырылып саат 16:00дө имаратына кирип кеткен.
Буга чейин Исаковго "коррупция" беренеси" боюнча айып тагылып, эч жакка кетпөө жөнүндө баш коргоо чарасы тандалган. Бүгүн болсо сот баш коргоо чарасын өзгөрттү.
