770 миң евролук эмерек. Тарых музейин оңдоого кеткен чыгымдын тизмеси

© Sputnik / Светлана ФедотоваМамлекеттик тарых музейи реконструкциядан кийин
Мамлекеттик тарых музейи реконструкциядан кийин - Sputnik Кыргызстан
Жазылуу
Алынган жабдыктардын бардыгы миңдеген евролорду чапчыган.

БИШКЕК, 25-май — Sputnik. "Ата Мекен" фракциясынын депутаттары Мамлекеттик тарых музейине жүргүзүлгөн реконструкциянын алкагында алынган эмеректин баасын жарыялашты.

Буга чейин депутаттар бир отургучтун баасы 100 миң сом турарын айтып, сын айтышкан.

Таблицада эмеректерге, жабдыктарга, консультациялык иштерге кеткен чыгымдардын суммасы көрсөтүлгөн.

Чыгымдар:

— экспозициянын курулушу — 1 миллион 339 миң 837 евро;

— экспозициялык жабдык (витрина) — 2 миллион 854 миң 285 евро;

— фонддук жабдуу — 665 миң 554 евро;

— шамчырак, көргөзмө залдар үчүн шина проводдор — 552 миң 910 евро;

— мультимедиалык жабдыктар — 497 миң 310 евро;

— тирөөч/экспонаттардын жайгашышы — 242 миң евро;

— графика/жарнамалык жабдык — 271 миң 965 миң евро;

— мультимедиа үчүн контент — 419 миң 100 евро;

— климаттык жана өлчөөчү жабдык — 316 миң 695 евро;

— реставрациялык жабдык — 238 миң 918 евро;

— сактоо үчүн атайын таңгак — 50 миң 2 евро;

— фойе үчүн эмерек, касса жана музей дүкөнү — 271 миң 968 евро;

— гардероб үчүн эмерек — 142 миң 560 евро;

— кафенин кире беришине алынган эмерек — 224 миң 56 евро;

— жыйындар залы/кинозал — 132 миң 516 евро;

— шамчырактар жана коомдук бөлмөлөр үчүн шина проводдору (фойе, аудитория, ажаткана) — 91 миң 945 евро;

— дизайнердик консультация кызматы — 394 миң 200 евро;

Тизмектелген эмерек менен жабдыктардын жалпы суммасы — 8 миллион 705 миң 821 евро.

Мунун баарына буюртманы "СМУ-3" ЖЧКсы (Кыргызстан) берген, ал эми аткаруучулар — "Витринен унд Гласбау Райер гмбх" (Германия) компаниясы болуп саналат.

Жаңылыктар түрмөгү
0