Кечээ борбордогу Кожомкул атындагы спорт сарайында кулатуу эр таймаш боюнча WEF Global 12 эл аралык мелдеши өткөрүлүп, спорт күйөрмандарына 18 беттеш тартууланган.
Ал эми турнирдин башкы окуясы болуп оор салмактагы мушкерлер — кыргызстандык Тилек Жээнбеков менен швециялык Малик Тамбенин беттеши болду. Натыйжада Жээнбеков атаандашын биринчи раундда эле техникалык нокаут менен жер каратты.
Негизги таймашта кыргызстандык мушкерлер Ринат Саякбаев менен Илимбек Токтогулов WEF ProfFight наамы үчүн күрөшүп, жеңиш аталган уюмдун учурдагы чемпиону Токтогуловго буюрду.
Ошондой эле WEF уюмунун Global лигасында биринчи жолу кыздардын беттеши уюштурулду. Анда кыргызстандык мушкер Барчынай Узгенбаева 61 килограмм салмакта өзбек мушкери Шахида Рахимованы экинчи раундда колду кайруу ыкмасы менен утуп алган.
Мелдешке Орто Азиянын, Россиянын жана Швециянын профессионал спортчулары күч сынашты.
WEF уюмунун Global лигасында биринчи жолу кыздардын беттеши уюштурулду
Барчынай Узгенбаева атаандашын муунтууга аракет кылып жатат. Бирок өзбекстандык Шахида Рахимова моюн берген эмес
Кыздары кыйын кыргыздын! Узгенбаева колду кайруу ыкмасы менен жеңишке жетип, өлкөнүн туусун желбиретти
Кыргызстандык Нурлан Курманалиев өзбекстандык Валишер Рахмоновду экинчи раундда муунтуу ыкмасы менен жеңди
Кыргыз мушкери Осман Абдулазизов менен өзбекстандык Жонибек Тураев
Мелдеште адатта соккулар көп болчу эле, бул ирет мушкерлер күрөштүн ыкмасына өтүп, кайруу-толгоо ыкмаларын колдонуп жатты
Мелдеште Орто Азиянын, Россиянын жана Швециянын профессионал спортчулары күч сынашты
WEF Global 12 турниринин алкагында 18 беттеш тартууланды
Кыргызстандык Нургазы Балтабаев өзбекстандык атаандашы Фахридин Мардиевди техникалык нокаут менен жеңди
Таймашты минтип эл аралык класстагы калыстар тескеп жатты
Россиялык Ислам Абасов кармаштын 8-секундасында эле казакстандык
Станислав Жукту нокаутка кетирип, элди таң калтырды
Станислав Жукту нокаутка кетирип, элди таң калтырды
Кыргыз спортуна "Смерч" каймана аты менен таанымал Рамазан Никарамазанов командасы менен октагонго бет алууда
Мелдеште "Азия карышкыры" аты менен таанымал казак мушкери Князь Махмудов да күчүн сынады
"Азия карышкырын" жеңген кыргызстандык Нурлан Токтобакиевдин кубанычында чек чок
Кеченин башкы күнөөкөрү — швециялык Малик Тамбе сегиз бурчтукка карай келе жатат
Тилек Жээнбеков менен Малик Тамбенин беттешин эл уу-дууга түшүп сүрөп турду
Тамбе партерге кирип иштейин деди эле, Жээнбеков муштумун узата согуп темтеңдетип койду
Тилек Жээнбеков акыркы жылдары бокстун ыкмаларына көбүрөөк басым жасоодо
Жээнбеков жеңүүчү! Швециялык Тамбени биринчи раундда эле баш көтөртпөй, техникалык нокаут менен утту.
