БИШКЕК, 9-май — Sputnik. Кытайдын археологдору жакында эле Сычуань облусунан 90дон ашык күмбөз табышты. Бул тууралуу РИА Новости Синьхуа агенттигине таянып кабарлады.
Окумуштуулардын ою боюнча табылгалар биздин заманга чейинки 22-220-жылдардагы Чыгыш Хань династиясынын дооруна таандык.
"2017-жылдын июль айынан 2018-жылдын март айына чейин Чэнду шаардык аймагынын Цзиньтан уездинде казуу иштери жүргүзүлгөн. Аталган районго ири комплекстеги имараттар салынат дегенден улам изилдене баштаган. Жыйынтыгында археологдор фарфор, күмүш, темир, чоподон жасалган ар түрдүү буюмдарды, идиш-аяктарды, адамдардын жана жаныбарлардын фигураларын табышкан", — деп жазылат билдирүүдө.
Окумуштуулар байыркы доорго таандык буюмдардын жардамы менен ошол кездеги коомдун жашоосун жана турмушун терең изилдөөгө жол ачыларын айтышкан.
