БИШКЕК, 2-май — Sputnik. Ишсиз жүргөн россиялык аял Швейцарияда шишкебек жегенден кийин жаңылып, чай пулу үчүн 7400 долларга чукул акча таштап кеткен. Бул туурасында РИА Новости жергиликтүү жалпыга маалымат каражаттарына таянып жазды.
20 Minuten жана Blick басылмасынын жазганына караганда, Францияда жашаган 37 жаштагы россиялык аял Швейцарияга иштери менен келип, Дитикон шаарындагы шишкебек жасаган жайга кирип тамактанган. Акчасын төлөп жатып, официантка ыраазылык иретинде чай пулун таштайм деген ниетте жаңылып, кредиттик картасынын пин-кодун терип алган. Ошентип 24 франкка тамак жеген аял капыстан 7700 миң франк төлөп чыгып кеткен.
Маалыматта ишкердин бир тууганы акчаны кайтарып берүүгө убада кылгандыгы жазылган.
Акчага байланыштуу адамзаттын жашоосунда ар кыл окуялар кездешет. Буга чейин интернетке акчалай сыйлык утуп алган ишкер бийлеп жаткан жеринен жан берген видео тараган.
