Турганбаева: чет элдик туристтер ат минүүгө көбүрөөк кызыгууда
Чет элдик туристтер ат минүүгө көбүрөөк кызыгууда. Бул тууралуу Назгүл Турганбаева Sputnik Кыргызстан радиосуна маек куруп жатып билдирди.
Анын айтымында, туризм жаатында көбүнесе жеке ишкерлер иштеп жаткандыктан жакшы шарттар түзүлбөй келет.
"Бизге келген туристтерден өлкөнүн эмнеси кызыктыраарын сурасак, дээрлик бардыгы эле "жаратылыш жана тоолор" деп жооп беришет. Мындан сырткары, ат минүү туризми дагы кызыгуу арттырат экен. Андыктан ушул тармактар боюнча көбүрөөк жарнама берип, жакшы шарттарды түзүү зарыл", — деди Турганбаева.
Ал жакшы шарттарды түзүү менен кошо жаратылышка аяр мамиле кылуу зарылдыгын кошумчалады.
