Sputnik Кыргызстан маалымат агенттиги жана радиосу Бишкек шаарынын 140 жылдыгына карата көз жоосун алган видеолорду даярдады.
Роликтер калаанын кооз жерлеринде асмандан тартылган. Майрамдык маанайды Кыргыз-Түрк "Манас" университетинин бийчи кыздары тартуулады.
Бүгүн "Манастын кыздары" тобунун Дөлөн Өмүрзаков атындагы стадиондо аткарган бийинин видеосун тартуулайбыз.
Өлкөдөгү эң ири бул стадионго бир учурда 23 000 көрүүчү батат. Ал — Кыргызстандын футбол боюнча курама командасынын стадиону. Бул спорттук жайга Кыргыз ССРинин спорт комитетинин биринчи жетекчиси Дөлөн Өмүрзаковдун ысымы берилген.
Редакция КРдин Футбол боюнча федерациясына, Жаштар, дене тарбия жана спорт боюнча мамлекеттик агенттикке, Кыргыз-түрк "Манас" университетинин алдындагы "Манастын кыздары" бий тобуна, хореограф Клара Койчукуловага, "Бийиктик" чыгармасынын автору Азамат Отунчиевге жана "Манас" университетинин ректоратына ыраазычылык билдирет.
