БИШКЕК, 29-апр. — Sputnik. Ереван шаарында митингге чыккандар калаанын борбордук көчөлөрүндөгү кыймылга бөгөт коюп салышканын жеринде жүргөн кабарчыга шилтеме берип РИА Новости жазды.
Маалыматка караганда, көчөлөрдүн кесилиштеринде ондогон көтөрүлүшчүлөр туруп алып, унаа өткөн жолду жаап жатышат.
"Айрымдар жакын жердеги короолордогу таштанды челектерин алып келип, жолго тизип коюшкан. Бирок жөө адамдар ээн-эркин басып жүрөт", — деп айтылат билдирүүдө.
Мындан тышкары, колуна өлкөнүн желегин кармаган митингчилер маал-маалы менен башкаруучу партияга наарачылыгын билдирип кыйкырганы кабарланды.
Эске салсак, Армениянын мурдагы президенти Серж Саргсяндын өкмөт башчы болуусуна каршы оппозиция тарап митингге чыгып, өлкөдө "Баркыт революциясы" башталган.
Мындай нааразылыктан соң, 23-апрелде Армениянын премьер-министр Серж Саргсян отставкага кеткенин билдирген.
