Трамп АКШ менен Россиянын ымаласы жакшырса деген ниетте

© Sputnik / Ирина Калашникова / Медиабанкка өтүүВизит президента США Д. Трампа в Париж
Визит президента США Д. Трампа в Париж - Sputnik Кыргызстан
Жазылуу
Өлкө башчысы өз оюн Германия канцлери Ангела Меркель менен боло турчу жолугушуунун алдында айткан.

БИШКЕК, 28-апр. — Sputnik. АКШ президенти Дональд Трамп Америка менен Россиянын ортодогу мамилеси жакшырса деген тилеги бар экенин билдирди. Бул тууралуу РИА Новости жазып чыкты.

Жума күнү АКШ конгрессинин чалгын иштери боюнча комитети 2016-жылы өткөн президенттик шайлоого "Россиянын кийлигишүүсү" жана Трамптын айланасындагылардын РФ бийлиги менен "жең ичинен сүйлөшүүсү" жөнүндөгү докладын жарыялады. Конгрессмендер жогоруда айтылгандарга эч кандай далил таба алышкан эмес.

"Россияга менден өтүп катаал мамиле жасаган адам болгон эмес деп көп эле жолу айттым. Бирок эгер биз Россия менен алакабызды оңоп алсак, жаман болмок эмес, жакшы болмок", — деди Трамп Германия канцлери Ангела Меркель менен Ак үйдөгү жолугушуусу алдында.

Ал дагы бир ирет эч кандай "жең ичинен сүйлөшүү" болбогонун белгилеп, доклад мыкты болгонун айтты.

Жаңылыктар түрмөгү
0