БИШКЕК, 23-апр. — Sputnik. Абдылас Малдыбаев атындагы улуттук опера жана балет театрынын чатырына коюлган статуялар жакшы оңдолбогонун сүрөтчү Александр Федоров Facebook баракчасына жазды.
Федоров театрдын чатырындагы статуяларды сүрөткө тартып, анын сыры түшүп, алды упараланып түшүп жатканын байкаган.
"Тарткан сүрөттөрүмдү компьютерден карап жатканда калыбына келтирүү иштери начар жасалганын байкадым. Бийлеп жаткан кыздын колундагы боегу түшүп калыптыр", — деп жазды Федоров.
"Чыныгы бааны бир нече сүрөткө тартып алган жаран эмес, профессионалдар берет. Буга түшүндүрмө берүүнүн кажети жок", — деди ал.
Белгилей кетсек, театрдын фасадын оңдоо былтыр октябрда аяктаган.
