БИШКЕК, 21-апр. — Sputnik. Премьер-министр Мухаммедкалый Абулгазиев менен өкмөттүн мүчөлөрү өз милдеттерин аткарууга киришти. Бул тууралуу өкмөттүн маалымат кызматынан билдиришти.
Абулгазиевди премьер-министр кызматына дайындоо боюнча президент Сооронбай Жээнбековдун жарлыгын президенттин аппаратынын биринчи жетекчи орун басары Досалы Эсеналиев окуду.
Тааныштыруу иш-чарасына Жогорку Кеңештин төрагасы Дастан Жумабеков менен фракция лидерлери катышты.
Жаңы өкмөт башчы аны колдогон парламент менен президентке ыраазычылыгын билдирип, мамлекеттин өнүгүп-өсүшүнө бардык күчүн жумшай турганын белгиледи.
Сүрөттө көрүнүп тургандай премьер менен вице-премьерлер өз кабинеттерине жайгашышты.
Белгилей кетсек, өкмөттүн жаңы курамы кечээ расмий түрдө бекитилди.
Премьер-министр Мухаммедкалый Абулгазиев башында турган өкмөттүн курамын инфографикадан көрүңүздөр
