БИШКЕК, 12-апр. — Sputnik. 10-апрелден тарта мамлекеттик "өзгөчө" номерлердин баасын төмөндөтүү жөнүндө өкмөттүн токтому күчүнө кирди. Бул тууралуу Мамлекеттик каттоо кызматы кабарлады.
Тиешелүү документке өкмөт башчы Сапар Исаков кол койгон.
"Баалар "өзгөчө" номерлердин элге жеткиликтүү болушу үчүн төмөндөтүлүп жатат. Айрым комбинациялардын баасы 56 пайызга чейин арзандатылган. Мисалы, мурда 777 комбинациясына старттык баа 54 миң сомду түзсө, эми ал 30 миңге чейин төмөндөдү. Ошондой эле аукционсуз сатылуучу номерлер 4500 сомдон 3000 сомго, 2700 сомдон 1500 сомго чейин түштү. Ал эми токтомго чейин жарыяланган аукциондор өзгөртүүсүз калтырылган", — деп жазылат маалыматта.
Билдирүүдө "өзгөчө" номерлерден түшкөн кирешенин 91 пайызы респбуликалык бюджетке которулары кошумчаланган.
