БИШКЕК, 9-апр. — Sputnik. Тажикстандын Маданият министрлиги эркектерге түрдүү жагдайда кие турчу кийимдердин үлгүлөрүн даярдап чыгууга ниеттенүүдө. Бул тууралуу Sputnik Тажикстан маалымат агенттиги ТажикТА басылмасына таянуу менен билдирди.
Министрлик эркектер үчүн жумушка, эшикке чыкканда, дем алыш күндөрү жана майрамдарда кандай кийимчен жүрүү керектигин китепче кылып жазып, калкка сунуштайт.
Эске салсак, буга чейин аялдардын кийими боюнча да атайын китеп чыгарылып, жумушка жана майрамдарга кийүүчү кийимдердин үлгүлөрү көрсөтүлгөн. Андан сырткары китепте Тажикстанда кийүүгө болбой турган кийимдер да көрсөтүлүп, жазылган. Ага ылайык, кара түстөгү жоолук, кара хиджап, дене-бойду жаппаган — кыска юбка, көкүрөгү ачык жана денени көрсөткөн кездемеден тигилген кийимчен жүрүүгө болбойт. Коомдук жайларда кепич, үйгө кийе турчу кийим жана денени кыскан шымчан жүрүүгө тыюу салынган.
