БИШКЕК, 30-мар. — Sputnik. Бишкекте жолтандабас Улуттук илимдер академиясынын алдындагы "Атомдун планетардык модели" архитектуралык конструкциясын барып сүзгөнүн күбө Sputnik Кыргызстан агенттигинин Telegram каналы аркылуу билдирди.
Жол кырсыгы 30-мартта болжол менен таңкы саат 6:00дөр чамасында Чүй проспекстиси менен Калык Акиев көчөлөрүнүн кесилишине жакын жерде болгон. Күбөнүн айтымында, Honda CRV автоунаасынын айдоочусу чыгыштан батышты көздөй баратып, конструкцияга барып урунган. Кырсыктан кийин окуя болгон жерге милиция менен эвакуатор келген.
"Конструкция бир аз жабыркап, аны курчап турган чынжыр үзүлүп кетти. Honda атом конструкциясынын ортосуна барып туруп калды", — деди күбө.
Шаардык жол кыймылы коопсуздугун камсыздоо башкы башкармалыгы кырсык болгонун тастыктады.
"Айдоочу мас экен, ал кармалды. Машинанын ичинде бир нече киши болгон, бирок алар качып кеткен", — дешти милициядан.
Айдоочу менен эки жүргүнчүнүн мээси чайкалганы аныкталды.
