АКШ жана ЕБдин 14 өлкөсү Россия дипломаттарын өз аймагынан чыгарууда

© Sputnik / Алексей АгарышевПосольство Российской Федерации в США
Посольство Российской Федерации в США - Sputnik Кыргызстан
Жазылуу
Скрипалдын уулануусу боюнча Лондонго тилектештигин билдирген Канада менен Украина да россиялык дипломаттарды артка кайтарууда.

БИШКЕК, 26-мар. — Sputnik. АКШ, Украина, Канада жана Евробиримдиктин (ЕБ)14 өлкөсү "Скрипаль чуусунан" улам россиялык дипломаттарды чыгарып жиберди. Бул туурасында РИА Новости жазды.

АКШ 60 дипломатты чыгарууда. Бул маалыматты Россиянын Америкадагы элчиси тастыктады. Андан сырткары АКШ Сиэтлдеги Россиянын башкы консулдугун жаап жаткандыгы кабарлады.

Усиление безопасности в Манчестере после теракта - Sputnik Кыргызстан
Британиялык чалгын кызматы: өлкөдө 23 миң террорчу жүрөт
ЕБдин башчысы Дональд Туск аталган биримдиктин 28 мамлекетинин ичинен 14ү "Скрипаль чуусунан" улам россиялык элчиликтин өкүлдөрүн Лондонго тилектештик катары чыгараганын билдирди.

Россиялык бир катар дипломаттардын чыгарып жаткандыгы тууралуу Улуу Британия, Канада, Франция, Польша, Чехия, Литва, Эстония, Дания, Италия, Нидерланд, Германия, Канада, Латвия жана башка өлкөлөр билдирди.

Украинанын президенти Петр Порошенко алар 13 дипломатты уулануу маселесинен улам кетирип жаткандыгын жар салды.

Скрипаль чыры

Британиянын тыңчылык кызматына иштеген, Россиянын Башкы чалгын кызматынын мурда экс-полковник Скрипаль менен кызы Юлияны 4-мартта Солсбери шаарында эс-учун жоготкон тейде табышкан. Расмий Лондон Скрипаль советтик программа менен даярдалган "Новичок" деп аталган заттан уулангандыгын айткан.

Рабочие перемещают флаг США - Sputnik Кыргызстан
АКШ аткаминерлеринин бири Өзбекстанга келип, өлкө реформасын талкуулайт
Маалыматтарда советтер союзунда мындай аталыштагы долбоор болгон эместиги, андай кырдаалда атайын сандар колдонулуп келгендиги айтылды. "Новичок" сөзү колдонулган маалыматтар чет элдик жалпыга маалымдоо каражаттарында Вил Мирзояновдун айтуусу менен тарап кеткен. Анткен менен бул адамдын химиялык куралга эч кандай тиешеси жоктугу айтылууда.

Бул жагдайдан кийин Британия бийлиги өлкөдөн россиялык 23 дипломатты чыгарып, андан сырткары Россия менен алаканы токтотуу чечимин кабыл алган. Бул кадамдан кийин Москва да Британиялык 23 дипломатты өлкөдөн чыгарарын айткан. Андан сырткары Санкт-Петербург шаарында консулдукту ачууга берген уруксатты чакыртып алып, Британия кеңеши менен иштешүүнү токтоткондугун маалымдаган.

Жаңылыктар түрмөгү
0