БИШКЕК, 26-мар. — Sputnik. Сокулукта киши колдуу болгон 25-30 жаштардагы аялдын сөөгү табылганын Чүй облустук милиция билдирди.
Маалыматка ылайык, сөөктүн табылганы боюнча маалымат Сокулук РИИБдин нөөмөт бөлүмүнө 24-мартта күндүз келип түшкөн.
"Ак-Ордо-2" жаңы конушунда мыкаачылык болгон жерге Сокулук РИИБдин ыкчам тобу барган", — деп маалымдашты милициядан.
Аялдын аты-жөнү такталууда. Аталган факты боюнча Сокулук райондук милициясы Кылмыш жаза кодексинин 97-беренеси (Адам өлтүрүү) боюнча кылмыш ишин козгоду.
Учурда кылмыштын бетин ачуу боюнча бардык аракеттер көрүлүүдө.
