БИШКЕК, 20-мар. — Sputnik. Францияда өлкөнүн экс-президенти Николя Саркози кармалганын Monde гезити жазды.
"Алынган маалымат боюнча экс-президент Нантер шаарында колго түшүрүлгөн. Бул жакка Саркози 2007-жылы президенттик кампаниясын Ливия каржылашы мүмкүн деген иштин алкагында чакырылган", — деп айтылат маалыматта.
Экс-президент 48 саатка кармалганы айтылууда, бул мөөнөт аяктагандан кийин ага айыбы угузулат.
2016-жылы бул иш боюнча франко-ливандык ишкер Зиад Такиеддин суракка алынып, 2006-жылдын аягында жана 2007-жылдын башында ошол учурда Франциянын тышкы иштер министрлигинин имаратына Ливиядан беш миллион евро алып келгенин билдирген. Бул учурда Саркози ТИМди жетектеп турган.
Такиеддин эки жолу акча алып келип, бир жолу президенттикке талапкер Саркозинин өзүнө бергенин айткан.
