БИШКЕК, 19-мар. — Sputnik. Артта калган аптада Бишкектин жаңы конуштарында баткак кечкен сулуулар, панораманын айланасын тазалаган үч секелек кыз социалдык тармактын алдыңкы сабына чыгып турушту. Ал эми көк бөрү оюну адаттагыдан жазбай түрдүү кызыктар менен коштолууда.
1. Балчыкка баткан модель кыздар. Sputnik Кыргызстан агенттиги борбор калаадагы жана жаңы конуштарда баткагы эзилген жолдорго бийлик дагы тийиштүү деңгээлде көңүл бурсун деген максат менен аларды сүрөткө тартты. Көз талдырган сулуулар шаардын көйгөйүн көзгө сайып көрсөтүүгө жардам беришти.
2. Бишкекти XX кылымга жетелеген фотограф. Жаш фотограф Айдана Иманкулова совет доорундагы кыздын образындагы бийкечти борбор калааны кыдыртып сүрөткө тарткан. Бүл сүрөттөр менен бир кылым артка барып келесиз.
3. Таштанды тазалаган секелектер. Дем алыш күнү Бишкектин панорамасы көрүнгөн аймакты таштандыдан арылтуу боюнча интернет аркылуу чакырык ташталган. Бирок иш жүзүнө келгенде үч бир тууган кыздан башка эч ким чыккан эмес. Анан үчөө эле талаанын көркүн бузган таштандыларды тазалап чыгышкан. Секелектердин мындай эмгеги социалдык тармакта мактоого татып жатат.
4. Тур, турагой, иште! Соңку күндөрү ишкер Гүлзат Мамытбектин интернетке жарыяланган видеолору кызуу талкууга алынып жатат. Ал арада мындай тамашалуу роликтерди да жаратышууда.
5. Рустам Тыналиевдин кооз салым. Нооруз майрамына карата өтүп жаткан көк бөрү боюнча мелдеш кызыгына келип калды. Бүгүн жарым финалда төрт команда күч сынашты. Ал эми бул видеодон мыкты көк бөрүчү Рустам Тыналиев улагы менен кошо тайказанга түшүп кеткенин көрүүгө болот.
6. Улуттук оюндардын трейлери. Кыргызстанда "Улуу кыргыз оюндары" аттуу даректүү тасма тартылды. Ат оюндары, жаа атуу, чүкө оюндары анимациялык стилде көрсөтүлгөн.
7. РФ президентин шайлайм деп келгендер… Россиянын президентин шайлоого келгендер элчиликтин алдында узун кезекке туруп калышты. Болжолдуу түрдө алардын саны 800дөн 1000ге чейин жетиши мүмкүн. Келгендердин катары улам калыңдап отуруп 300-400 метр аралыкка жеткен.
8. Баасы асман чапчыган видео байкоолор. Апта ичинде Бишкек ТЭЦке 600 долларга аттиш, 14 500 долларан 128 видеокамера алган деген билдирүү тарап, элдин төбө чачы тик турду. Мындан улам режиссер Сүйүн Откеев "эгер ар бир серияга 14 500 доллар берсе 128 серия кино тартмакмын" дейт. Анын атын "Даңазалуу суук" деп коймок экен.
