БИШКЕК, 2-мар. — Sputnik. "Манас" эл аралык аэропортунун маалымат катчысы Алия Курбанованын айтымында, Tez Jet авиакомпаниясынын учагы борбордук аэропорттон 14:22де учуп чыгып, орто жолдон сол кыймылдаткычы иштебей калгандыктан учкучтар кайра келүүгө уруксат сурашкан.
Вот что происходило внутри самолета! Слава Богу, что все обошлось! pic.twitter.com/VgGYiQWTtC
— Photogeniuskg (@bishkekchanka65) 2 марта 2018 г.
Аба кемеси 14:52де аман-эсен конуп, ичиндеги 96 жүргүнчү жабыркаган эмес.
Ал эми учактын ичинен жүргүнчүлөр сынып калган кыймылдаткычты видеого тартып алышкан. Анда ары жактан ыйлап, Кудайдан аман жетип алууну тиленип жаткан үндөрдү угууга болот. Учак жерге конгондон кийин эркек бала кубанычтан ыйлап да жиберген.
Маалыматтар боюнча кырдаалды текшерүү үчүн атайын комиссия түзүлдү.
Былтыркы жылдын апрель айында да аталган авиакомпаниянын Бишкек — Ош каттамындагы учагы техникалык мүчүлүштүктөрдөн улам кайра "Манас" аба бекетине конууга аргасыз болгон.
