БИШКЕК, 26-фев. — Sputnik. Шейшемби күнү мезгил-мезгили менен жаан жаап, тоо этектеринде жана тоолуу райондордо кар жаашы күтүлөт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.
Анткен менен күн жылуу болуп, Чүй менен Таласта 5…10, Ош, Жалал-Абад жана Баткенде 8…13, Ысык-Көлдө 2…7 градус нөлдөн жогору болот. Нарын облусунда гана суук болуп, күчү 1…6 градус болот.
Борбор калаада жамгыр жаап, абанын температурасы 6…8 градус болсо, Ошто 10…12 градус жылуу болору айтылды.
