БИШКЕК, 27-янв. — Sputnik. "Түндүк электр" ишканасы борбор калаада кечки жүктөм маалы башталгандыктан бир катар аймактар жарыксыз калганын билдирди.
Ага ылайык, Бишкек шаарындагы "Асанбай", "Тунгуч", "Көк-Жар" кичи райондорунун бир катар бөлүктөрүндө электр жарыгы өчкөн.
"Учурда жарык өчкөн аймактарда атайын бригадалар иштеп жатат. 1-2 сааттын ичинде тургундарга свет берилет", — деп "Түндүк электр" ишканасынын маалымат кызматы билдирди.
Эгер жарык өчүп калса ишкананын 1209 бирдиктүү номерина чалууга чакырат.
Белгилей кетсек, Социалдык тармактын колдонуучулары Telegram тиркемесиндеги "Бишкек сегодня" тайпасына Токтаналиев көчөсүндө, "Миң-түркүн" дүкөнү жайгашкан аймакта жана "Ататүрк" паркынын аймагында жарык өчүп калганын билдиришкен.
Буга чейин "Түндүк электр" ишканасы суук күндөрү муктаж болбогон тиричилик каражаттарын колдонбой турууга чакырып, электр энергиясын үнөмдөөнү сунуштаган болчу.
