Актөбөдө өрттөнгөн автобус айдоочуларынын жарандыгы аныкталды

© Sputnik / Илья Питалев / Медиабанкка өтүүАйдоочу. Архив
Айдоочу. Архив - Sputnik Кыргызстан
Жазылуу
Кыргызстандын Тышкы иштер министрлиги билдиргендей, алдын ала маалыматтар боюнча каза болгондордун арасында кыргыз жарандары жок

БИШКЕК, 18-янв. — Sputnik. Актөбө облусунда 52 жүргүнчүсү менен кошо өрттөнүп кеткен автобустун айдоочулары Казакстандын жарандары болгонун РИА Новости агенттиги Казакстандын Ички иштер министрлигинин Өзгөчө кырдаалдар комитетинин өкүлү Руслан Иманкуловго шилтеме берип жазып чыкты.

Буга чейин ИИМдин Өзгөчө кырдаалдар комитети кырсыктын кесепетинен 50дөн ашык адам каза тапканын маалымдаган. Ал эми облустук департаменттин тынымсыз байланыш номеринен каза болгондордун бардыгы Өзбекстандын жарандары экенин айтышкан.

"Алдын ала маалыматтар боюнча айдоочулар Казакстандын жарандары болгон", — деп билдирген Иманкулов.

Анын айтымында, автобус Өзбекстан менен чектешкен Түштүк Казакстанда каттоодон өткөн, номери дагы Казакстандыкы.

Кыргызстандын Тышкы иштер министрлиги алдын ала маалыматтар боюнча каза болгондордун арасында кыргыз жарандары жок экенин маалымдады.

Жаңылыктар түрмөгү
0