БИШКЕК, 25-дек. — Sputnik. АКШнын Оорулардын алдын алуу жана көзөмөлдөө борборунун кызматкерлери жогорку билимдүү жана кирешеси көп аялдар аз акча тапкандарга салыштырмалуу ашыкча салмак менен сейрек жабыркай турганын аныкташкан. Бул тууралуу аталган уюмдун сайтында жарыяланды.
Кызматкерлер ден соолук, тамактанууну текшерүү улуттук программасынын алкагында окумуштуулар тарабынан чогултулган маалыматтарды анализдеп чыгышкан.
Изилдөөнүн жыйынтыгында жогорку маяналуулардын 31 пайызы гана ашыкча салмактан жапа тартары аныкталган. Ал эми жогорку билимдүүлөр арасындагы көрсөткүч 27,7 пайызды түзгөн. Адистердин айтымында, бул аныктама аялдардын арасында аябай байкалган.
Изилдөөгө катышкан аз кирешелүү аялдардын 45,2 пайызы семиздиктен жабыркаса, кирешелүү айымдардын 29,7 пайызы гана ашыкча салмактан жапа чегип жүргөнү аныкталган.
