БИШКЕК, 19-дек. — Sputnik. Москва шаарында өткөн мас-рестлинг боюнча дүйнө кубогунун үчүнчү этабында кыргызстандык спортчулар байгелүү кайтышты. Бул тууралуу курама команданын башкы машыктыруучусу Эрмек Курманалиев билдирди.
Мелдеш 16-17 ноябрь күндөрү өткөн. Ага Кыргызстандан 16 спортчу катышып, беш кубок жана алты медаль алышты.
Күмүш медалга Бекжан Өмүралиев, Кудайназар Алимов, Вячеслав Абросимов, коло медалга Азат Таштанбеков, Русланбек Чыныбек уулу, Дилдора Рахманова татыды.
Бардык жыйынтык боюнча кыргызстандык спортчулар 44 медаль топтоп, 43 мамлекеттин ичинен экинчи орунду ээледи. Биринчиликте Россия турат.
Экинчи даражадагы кубокту багындыргандардын арасында белгилүү спортчу Дилдора бар. Ал "Sports Awards — 2016" версиясы боюнча "Жылдын мыкты спортчу айымы" наамына ээ болгон. Мас-рестлинг боюнча бир нече мелдештин жеңүүчүсү.
