Токтосунов: диктор менен алып баруучуну чаташтырбоо керек
Диктор менен алып баруучуну чаташтырбоо керек. Бул тууралуу Олжобай Токтосунов Sputnik Кыргызстан радиосуна маек куруп жатып билдирди.
Анын айтымында, убакыттын өтүшү менен теледеги талаптар дагы өзгөрдү.
"Ар бир замандын өзүнүн талабы болот экен. Теленин тарыхын казсак 80-90-жылдарга чейин негизги фигура диктор болгон. Диктор менен алып баруучуну чаташтырбоо керек. Алгач дикторлор даяр болгон гана текстти окуп коюшса, кийинчерээк алпаруучулар аренага чыга келишти. Анткени авторлор тексттерди өзүлөрү окуп калышты", — деди Токтосунов.
Ал Жолдубай Кайыпов баштаган белгилүү алып баруучулар болгондугун кошумчалады.
