Трамптын кызы менен күйөө баласын жактоочу сотко берди

БИШКЕК, 18-дек. — Sputnik. Вашингтондук жактоочу АКШ президенти Дональд Трамптын кызы Иванка Трамп менен күйөө баласы Жаред Кушнерди кирешесинин бир бөлүгүн жашырды деген кине менен сотко берди. Бул туурасында РИА Новости Politico басылмасына таянып билдирди. 

Доо арызы жазылган документте аялы менен күйөөсү декларациясында инвестициялык 30 фондусунун активдери боюнча маалыматты көрсөтпөгөнү айтылат. Андан сырткары, президенттин күйөө баласынын "жашыруундугу сакталышы керек деген буга чейинки келишимдерге таянып" маалыматтарды берүүдөн баш тарткандыгы айтылган. Жактоочу мындай кадам АКШда 1978-жылдан берки келе жаткан мамлекеттик кызматкердин этикасына каршы келет деген.

"Доо арыз жоопкердин киреше боюнча декларациясын оңдоосу жана айтылган фондулардан алган каражатты ачыкташы керектиги үчүн берилди", — деп айтылат документте.

Буга чейин New York Times Ак үй тараткан маалыматка таянып, Иванка Трамп менен анын күйөө баласы Жаред Кушнердин кирешеси 740 миллион доллар экендигин кабарлаган. Анда Кушнер президенттин администрациясына кызматка кирер алдында 200гө чукул ишканасындагы кызматын таштаганы жазылган. Анын үй-бүлөсүнө тиешелүү турак-жай курган компаниялардын көбүнөн алигиче киреше алып турат.