БИШКЕК, 14-дек. — Sputnik. Улуттук статистикалык комитет Кыргызстандын жарандары туугандарына материалдык жардам катары канча акча короторун эсептеп чыкты.
Ведомствонун маалыматына караганда, үй-бүлөсүн эркек башкарган бүлөлөрдө жалпы кирешенин 0,8 пайызы туугандарга кетет. Ал эми үй-бүлөдө аял башчы болгон бүлөлөрдө бул багытка 0,7 пайызы жумшалат.
Эсептөөлөр боюнча туугандарга кеткен акчанын көлөмү батир, унаа, эмерек жана мектепке чейин билим берүүгө кеткен каражаттан ашып түшөт. Бул багыттарга жарандар кирешесинин 1 пайыздан ашыгын короткусу келбейт.
Өлкө боюнча жарандардын көпчүлүгү кирешесинин 41 пайызын азык-түлүккө сарптайт. Ал эми ар бир онунчу сом кийим алууга кетет. Алдыңкы үчилтикти салык жана башка төлөмдөр ээлейт.
