Англия: хирург операция жасаган кишисинин бооруна атынын баш тамгасын жазып калтырган

© Sputnik / Константин Чалабов / Медиабанкка өтүүРабота хирурга-отоларинголога в Великом Новгороде
Работа хирурга-отоларинголога в Великом Новгороде - Sputnik Кыргызстан
Жазылуу
Хирургдар лазердик нурду адатта боордогу канды токтотуп жана операция жасай турган жерди белгилеп алуу үчүн пайдаланат

БИШКЕК, 15-дек. — Sputnik. Англиялык хирург Саймон Брэмхолл сотто сүйлөп жатып, эки бейтаптын ички органына атасынын жана өзүнүн атынын баш тамгаларын калтыргандыгын мойнуна алды. Бул туурасында РИА Новости The Telegraph басылмасына шилтеме кылып кабарлады.

Кеп 2013-жылдын февраль жана август айларында көчүрүлгөн боордун ээлери туурасында болду. Лазер нурунун жардамы менен ал SB тамгаларын ички органга жазып калтырган.

Ак халатчанга денеге залал келтирген деп эмес, "кол салуу" беренеси менен күнөө тагылды,

Хирургдар лазердик нурду адатта боордогу канды токтотуп жана операция жасай турган жерди белгилеп алуу үчүн пайдаланат. Ал тактар кайсы бир убакыттан кийин өзү эле жок болуп кетет.

Хирургдар операция учурунда. Архив - Sputnik Кыргызстан
Дүйнөдө биринчи жолу денеси күйүп калган адамдан териси алмаштырылды
Анткен менен ооруган аялдардын биринин боорундагы из кийинки дарыгер операция кылганда деле өчпөй кала бергендиги байкалган. Жакшылап карай келгенде, ал SB тамгалары болуп чыккан.

Прокурор Тони Бэденочтун айтымында, бул "өтө татаал жана өзгөчө" иш, мындай окуя буга чейин кездешкен эмес.

Брэмхолл Бирмингемде ханыша Елизаветанын атындагы ооруканада 12 жыл иштеген. 2014-жылы ага карата иликтөө башталганда оставкага кеткен. Ал эми жергиликтүү гезиттердин бирине андан дарыланып чыккан аял дарыгер анын өмүрүн сактап калганын, кайра ишине кайтарууну суранган.

Хирурргга өкүм 12-январда чыгары дайын болду. 

Жаңылыктар түрмөгү
0