Шамкеев: мамлекеттик ипотека алчулардын кирешеси 25 миң сомдон кем болбошу керек
Ипотека алууну каалагандардын үй-бүлөлүк кирешеси 25 миң сомдон кем болбошу керек. Бул тууралуу Бактыбек Шамкеев Sputnik Кыргызстан радиосуна маек куруп жатып билдирди.
Анын айтымында, насыя ала турган жаран бюджеттик мекеменин кызматкери болушу керек.
"Насыя алган адамдын жашы 21 жаштан өйдө жана кредитти 65ке чыкканга чейин төлөп бүтө ала турган куракта болуусу шарт. Ошондой эле өзүнүн же үй-бүлөсүнүн кирешеси айына 25 миң сомдон төмөн болбоосу керек. Анткени айлык маянасынын тең жарымы ипотеканы төлөөгө кетсе, калганын турмуш-тирчилигине жумшайт", — деди Шамкеев.
Ал ипотекага алынып жаткан көп кабаттуу үйдүн аянты 80 чарчы метрден, жер үй болсо 150 чарчы метрден ашпашы керектигин кошумчалады.
