БИШКЕК, 12-дек. — Sputnik. Улуу жазуучу Чыңгыз Айтматовдун туулган күнүнө карата борбор калаада иш-чара өтө турганын мэрия билдирди.
"Биз дүйнөнү өзгөрттүк, дүйнө бизди өзгөрттү" аттуу иш-чара Чокморов көчөсүндө жайгашкан Бишкектин борборлоштурулган китепкана системасында өтмөкчү.
Максаты — өлкөдө жаңыдан өсүп келе жаткан муунду ар тараптан билимдүү кылып калыптандырууга шыктандырып, китепканалардын кадыр-баркын жогорлатуу болуп саналат.
Кыргызстандын залкар уулу, дүйнөгө аты таанымал белгилүү жазуучу, коомдук жана мамлекеттик ишмер Чыңгыз Айтматов 1928-жылы 12-декабрда Талас облусуна караштуу Кара-Буура районундагы Шекер айылында туулган.
