БИШКЕК, 5-дек. — Sputnik. ИИМдин жолдогу коопсуздук камсыз кылуу башкы башкармалыгы Балыкчы — Ананьево — Каракол трассасынын абалы менен таанышты. Бул тууралуу аталган мекеменин маалымат кызматы билдирди.
Ага ылайык, милиция аталган жолдун 0 чакырымынан 103-чакырымына чейин текшерип, бир катар кемчиликтерди аныктады.
Кароонун жыйынтыгында жолдун белгиленген бөлүгүнө кошумча 76 жол белгиси коюлушу керектиги билинген.
Ошондой эле жолго 3432 тосмо коюу керектиги аныкталып, оңдолуп жаткан көпүрөлөрдүн айланасында жол кырсыгын болтурбоо үчүн атайын жарык берүү керектиги белгиленген.
Аныкталган бардык кемчиликтер боюнча эскертүү берилип, жолдун абалын көзөмөлдөө жөнүндөгү эрежелер бузулгандыктан "Кыргызстандагы Лонг Хай" ЖЧКсынын жетекчилерине карата административдик протоколдор түзүлгөн.
