БИШКЕК, 2-дек. — Sputnik. Нью-Йорктун Таймс-сквер районунда АКШнын мамлекеттик карызын эске салып, өткөн-кеткендерге көрсөтүп турган табло орнотулду. Бул туурасында РИА Новости The Wall Street Journal басылмасына шилтеме кылып жазды.
Жарым жыл мурда Durst Organization компаниясы 160 миң долларды таблону жаңылоого короткон. Компаниянын жетекчиси Дуглас Дерсттын айтымында, табло "сырткы карыздын канчалык маанилүү экендигин элдин эсине салып турат".
Дерст мындай аракет өкмөттүн үндөбөгөнү менен унчукпай жасаган ишараты экендигин кошумчалады.
"Бул өкмөттүн элге тапкан каражатка ылайыктап жашоо керектигин эскерткен белгиси", — деди ал.
Мындай маалымат такталары Нью-Йоркто 1989-жылы пайда болгон. Мамлекеттин карызы боюнча эсептегич орнотуу демилгеси Дуглас Дерсттин атасы Сеймурга тиешелүү. Ал таблону орнотконго чейин сенаторлорго жиберген жаңы жылдык куттуктоосуна алардын АКШнын мамкарызы боюнча "үлүшү" боюнча маалыматты тиркеп салып турган. Анда каражаттын көлөмү 2,7 триллион доллардын тегерегинде болгон.
