БИШКЕК, 29-ноя. — Sputnik. Борбор калаада Кыргыз-орус славян университетинин медициналык борборунун базасында гемодиализ борбору ачылды. Бул тууралуу Инвестицияны илгерилетүү жана коргоо агенттигинин маалымат кызматы кабарлады.
Медициналык клиника жарандарга гемодиализ кызматын жеткиликтүү кылуу максатында ачылган.
Бүгүнкү күндө аталган борбордо ар бири 20 миң долларга бааланган үч гемодиализ аппараты бар. Жыл ичинде дагы кошумча үч аппарат коюу пландалууда. Мындан сырткары, клиниканы өнүктүрүү максатында дагы башка медициналык кызматтар иштемекчи.
Аталган долбоор Кыргыз-орус славян университетинин, ата-мекендик компаниянын жана индиялык инвестордун күчү менен ишке ашкан.
