Депутат Бекешев "Бешинчи канал" эмнеге сатылышы керектигин айтты

© Пресс-служба правительства / Сабыр АильчиевЖогорку Кеңештин депутаты Дастан Бекешевдин архивдик сүрөтү
Жогорку Кеңештин депутаты Дастан Бекешевдин архивдик сүрөтү - Sputnik Кыргызстан
Жазылуу
"Бешинчи канал" парламент каналы деген статус алган

БИШКЕК, 28-ноя. — Sputnik. Жогорку Кеңештин депутаты Дастан Бекешев "Бешинчи канал" жабык акционердик коому тууралуу" мыйзамын күчүн жоготту деп таануу боюнча" мыйзам долбоорун иштеп чыгып, аны коомдук талкууга койгон.

Эйр Кыргызстан каттамынын учагы. Архив - Sputnik Кыргызстан
Мамлекеттин көзгө басар жалгыз авиакомпаниясы каттамдарын токтотту
Аталган мыйзам долбоорунда парламенттик телеканал статусу берилген "Бешинчи каналдан" ошол статусту алып салуу маселеси демилгеленген.

Бирок Жогорку Кеңештин жумушчу тобунун маалыматында парламенттик телеканал статусун алып салуу боюнча мыйзам аткарылбайт. Себеби телеканалдын укук-уюштуруу формасы жана кимге таандык экени аныктала элек.

Эл өкүлү бул мыйзам иштебей эле турганын айтып, телеканал өз функцияларын аткарбай жатканын, ал парламентке деле тиешеси жок экенин кошумчалаган.

"Бизде "Пирамида" деген телеканал парламенттеги жыйындарды түз алып көрсөтөт. Ал эми "Бешинчиде" жыйындарыбызды көргөзмөк тургай, тескерисинче, бизди жамандашат. Мындан өлкөгө эмне пайда? Андан көрө өлкө мамлекеттик ЖМКлардын санын азайтып койгон жакшы", — деди Бекешев.

Ал ошондой эле каналды сатуу керектигин кошумчалаган.

Жаңылыктар түрмөгү
0