Тепловоз "Газелди" сүйрөп кетип, Казакстанда 9 киши көз жумду. Видео

Жазылуу
Машинист жолдо турган автоунааны көрүп, чукул токтоткону менен кагышуудан кача алган эмес

БИШКЕК, 26-ноя. — Sputnik. Казакстандагы темир жолдо тепловоз "Газелди" сүйрөп кетип, тогуз киши көз жумду. Бул туурасында Sputnik Казакстан жазды.

Жол кырсыгы кечээ, 25-ноябрда саат 14.20 Узень — Болашак (Мангистау) темир жол аймагында болгон.

"Саатына 60 чакырым ылдамдык менен келе жаткан тепловоздун машинисти жолдо турган автоунааны көрүп, чукул токтоткону менен кагышуудан кача алган эмес. Анын кесепетинен 9 адам каза таап, 36 киши жаракат алса, алардын 27си ооруканага жактырылган. Кырсыктагандардын үчөө балдар экен"— деп билдирди "Казакстан темир жолу" улуттук компаниясынан.

Ооруканадагы 27 адамдын сегизи кайра жандандыруу бөлүмүндө жатат.

Кырсык боюнча кылмыш иши козголуп, тартип коргоо органдары түзүлгөн атайын комиссия иликтөөлөрдү баштаган.

Жаңылыктар түрмөгү
0
Алгач жаңыларыАлгач эскилери
loader