БИШКЕК, 22-ноя. — Sputnik. Бейшемби күнү өлкө аймагында күн ачык болот. Бул тууралуу Кыргызгидромет билдирди.
Ага ылайык, батыштан соккон шамалдын ылдамдыгы секундасына 4-9 метрге жетет.
Чүй жана Талас өрөөндөрүндө 12…17, Ош, Жалал-Абад жана Баткенде 14…19, Ысык-Көл облусунда 7…12, Нарында 4…9 градус жылуу болот.
Бишкек менен Ош шаарларында күн ачык болуп, абанын температурасы 16…17 градуска чейин жетет.
