БИШКЕК, 16-ноя. — Sputnik. АКШнын президенти Дональд Трамп сөз сүйлөп жатып бир нече ирет бөтөлкөдөн суу ичип алаксыган видео интернетте кызуу талкууланып жатат. Бул тууралуу CBS News телеканалы жазып чыкты.
Күлкүлүү окуя америкалык лидер Ак үйдө Азияга болгон 12 күндүк сапары тууралуу журналисттерге айтып берип жатканда болгон. Ал сүйлөп жатып эле суу издеп, трибунанын ылдый жагын карап кирген.
Amid delivering remarks about Asia trip, Pres. Trump pauses and checks beneath the lectern, taking a brief interlude for water: https://t.co/LbXKzlM4Bg pic.twitter.com/v96XRbYzGe
— CBS News (@CBSNews) 15 ноября 2017 г.
"Суу жок экен, мейли эми", — деп Трамп жылмайган.
АКШ лидери 2013-жылы республикачы сенатор Марко Рубио бөтөлкөдөн суу ичкендиги үчүн катуу сынга алган. Буга байланыштуу азыркы видео интернетте кызуу талкуу жаратууда.
"Марко Рубио мындан кийин сууну бөтөлкөдөн эмес стакандан ичиши керек. Негативдүү эффект азыраак болот", — деп Трамп өз учурунда билдирген.
Рубио АКШ лидеринин аракетине өз пикирин билдирип, ага кеңеш дагы айтты.
Similar,but needs work on his form.Has to be done in one single motion & eyes should never leave the camera. But not bad for his 1st time https://t.co/s49JtyRo3S
— Marco Rubio (@marcorubio) 15 ноября 2017 г.
"Сууну кантип ичүү керектигин үйрөнүш керек окшойт. Муну дайыма бир кыймыл менен жасап көздү камерадан албаш керек", — деп сенатор өзүнүн Twitter баракчасына жазган.
Бриффинг учурунда Трамп Азиянын беш мамлекетине болгон сапарынын бардыгы ийгиликтүү өткөнүн маалымдады.
