БИШКЕК, 1-ноя. — Sputnik. Жалал-Абаддагы аймактык жүрөк-кан тамыр илимий борборунда биринчи жолу жүрөк кан тамырына жогорку технологиялык изилдөө жасалды. Бул тууралуу Саламаттык сактоо министрлигинин маалымат кызматы билдирди.
Аталган жабдыкты колдонуу боюнча адистер Түркияда үч жыл атайын окуудан өтүшкөн. Абдраманов бул борборду жетектеп турган учурда жалпысынан 60 адис даярдалган. Анын 20дан ашыгы Түркиядан окуп келип, учурда мамлекеттик жана жеке мекемелерде иштеп жатышат.
"Буга чейинки иштегенибиз менен азыркынын айырмасы асман менен жердей. Мурда экран ак-кара болгондуктан жакшы айырмалап көрө алчу эмеспиз. Радионурлануу жогору болуп, коргоочу атайын кийимдердин салмагы 25 килограмм эле, — деди Абдраманов.
Ал ошондой эле азыр монитордогу сүрөттөр так көрүнүп, иш бир топ жеңилдеп калганын кошумчалады.
