Сагынов: Кыргызстанда бир жылда 20-25 тонна алтын өндүрүлөт
Кыргызстанда бир жылда 20-25 тонна алтын өндүрүлөт. Бул тууралуу "Кыргызалтын" ишканасынын жетекчи орун басары Бектур Сагынов Sputnik Кыргызстан радиосуна маек куруп жатып билдирди.
Анын айтымында, өлкөдө казып алынган алтындын баарын "Кыргызалтын" ишканасы гана кайра иштеп чыгат.
"Бир жылда "Күмтөр" кени 15-17 тонна алтын өндүрөт. Ал эми "Кыргызалтын" 250-300 килограмм алтын чыгарат. Мындан сырткары, башка бир нече кендерди кошкондо Кыргызстанда бир жылда 20-25 тонна алтын өндүрүлөт", — деди Сагынов.
Ал Кыргызстандан чыгарылган алтындар жогорку сапатта даярдала тургандыгын айтып, дүйнөлүк стандартка толук жооп берерин кошумчалады.
