Доранбек уулу: "Кыргызпатент" тарабынан атайын комикс-журналдар чыгарылды
"Кыргызпатент" тарабынан атайын комикс-журналдар чыгарылгандыгын Акжол Доранбек уулу Sputnik Кыргызстан радиосуна маек куруп жатып билдирди.
Анын айтымында, чыгымдын баары "Кыргызпатент" тарабынан төлөнгөн.
"Учурда көпчүлүгүбүз эле автордук укук, интеллектуалдык менчикке көңүл бура бербейбиз. Ушундан улам "Кыргызпатент" тарабынан атайын комикс-журналдар чыгарылды. Мында интеллектуалдык менчик боюнча кенен түшүндүрмө берилген. Маалыматтар сүрөт аркылуу калың элге түшүнүктүү кылып эки тилде жазылган. Булардын баары акысыз", — деди Доранбек уулу.
Ал учурда "Музыкага ким төлөйт?" жана "Авторду! Авторду!" аттуу эки комикс-журнал жарык көргөнүн кошумчалады.
