БИШКЕК, 24-окт. — Sputnik. Премьер-министр Сапар Исаков Армениянын өкмөт башчысы Карен Карапетян менен жолукту. Бул тууралуу өкмөттүн маалымат кызматынан билдиришти.
Жолугушууда эки тараптын актуалдуу маселелери жана Евразиялык экономикалык биримдиктин алкагында мындан аркы кызматташуу боюнча сүйлөшүү болгон.
Исаков өз кезегинде Кыргызстан менен Армениянын соода-экономикалык тармакта өз ара кызматташуусунун маанилүүлүгүн баса белгилеп, бул жааттагы аракеттер 2017-жылы 2016-жылга караганда көтөрүлгөнүн кошумчалады.
Армениянын премьер-министри Карен Карапетян дагы эки тараптуу соода-экономикалык кызматташуунун өнүгүшүнө кызыктар жана даяр экенин билдирди.
Ал ошондой эле Армения буларды ишке ашыруу үчүн колунан келген бардык аракетти көрөрүн белгилеген.
