Момбеков: мумияны 500 миң долларга өлкөдөн чыгарып кетем дегендер чыккан

Жазылуу
КСДП фракциясынын депутаты мурдагы маданият, маалымат жана туризм министри катары маселени жакшы билерин айтты

БИШКЕК, 19-окт. — Sputnik. Жерге берилген мумияны буга чейин 500 миң долларга өлкөдөн чыгарып кетебиз дегендер болгон. Бул тууралуу КСДП фракциясынын депутаты Рыскелди Момбеков парламентте ар кандай маселелер каралып жатканда айтты.

Эске салсак, өткөн жуманын аягында 1960-жылдардан бери борбордук тарых музейинде сакталып келген аял кишинин мумиясы Баткен облусунун Кара-Булак айылындагы Мыктым-Гөр деген жерге көмүлгөн.

"Мумия боюнча маселе коомчулукка тарап кетти. Бул жерде иттин өлүгү бар. Эмне үчүн 60 жыл окумуштуулар ачылыш кылып, изилдеген эмес? Анан ал чирип, жок болуп жатканда жерге беришти да. Ошондо гана ызы-чуу салып чыгышты. Мумияны буга чейин 500 миң долларга чет өлкөгө алып чыгып кетебиз дегендер болгон. Иттин өлүгү ушул жерде жатат", — деди Момбеков.

Ал аталган мумия боюнча эч кандай маалымат жок экендигин кошумчалады.

Жаңылыктар түрмөгү
0